ہم سے یحییٰ بن قزعہ نے بیان کیا، کہا ہم سے امام مالک نے، وہ ابوحازم سے، وہ سہل بن سعد (رض) سے کہ نبی کریم ﷺ کی خدمت میں پینے کو کچھ لایا، (دودھ یا پانی) آپ ﷺ نے اسے نوش فرمایا، آپ ﷺ کے دائیں طرف ایک بچہ بیٹھا تھا اور بڑے بوڑھے لوگ بائیں طرف بیٹھے ہوئے تھے، آپ ﷺ نے اس بچے سے فرمایا کہ اگر تو اجازت دے (تو بچا ہوا پانی) میں ان بڑے لوگوں کو دے دوں ؟ لیکن اس نے کہا۔ یا رسول اللہ ! آپ کے جو ٹھے میں سے ملنے والے کسی حصہ کا میں ایثار نہیں کرسکتا۔ آپ ﷺ نے پیالہ جھٹکے کے ساتھ اسی کی طرف بڑھا دیا۔