ہم سے محمد بن بشار نے بیان کیا ‘ کہا ہم سے یحییٰ قطان نے بیان کیا ‘ ان سے عبیداللہ عمری نے بیان کیا ‘ انہیں نافع نے خبر دی کہ ابن عمر (رض) کا ایک غلام بھاگ کر روم کے کافروں میں مل گیا تھا۔ پھر خالد بن ولید (رض) کی سر کردگی میں (اسلامی لشکر نے) اس پر فتح پائی اور خالد (رض) نے وہ غلام انکو واپس کردیا۔ اور یہ کہ عبداللہ بن عمر (رض) کا ایک گھوڑا بھاگ کر روم پہنچ گیا تھا۔ خالد بن ولید (رض) کو جب روم پر فتح ہوئی ‘ تو انہوں نے یہ گھوڑا بھی عبداللہ کو واپس کردیا تھا۔