ہم سے حمیدی نے بیان کیا، انہوں نے کہا ہم سے سفیان بن عیینہ نے بیان کیا، انہوں نے کہا ہم سے اسحاق بن سعید سعیدی نے بیان کیا۔ ان سے ان کے والد سعید بن عمرو بن سعید بن عاص نے، ان سے ام خالد بنت خالد (رض) نے بیان کیا کہ میں جب حبشہ سے آئی تو بہت کم عمر تھی۔ مجھے رسول اللہ ﷺ نے ایک دھاری دار چادر عنایت فرمائی اور پھر آپ نے اس کی دھاریوں پر اپنا ہاتھ پھیر کر فرمایا سناه،‏‏‏‏‏‏‏‏ سناه‏‏‏.‏۔ حمیدی نے بیان کیا کہ سناه،‏‏‏‏‏‏‏‏ سناه‏‏‏.‏ حبشی زبان کا لفظ ہے یعنی اچھا اچھا۔