ہم سے موسیٰ بن ابراہیم نے بیان کیا، انہوں نے کہا ہم سے ابراہیم نے، انہوں نے کہا ہم سے ابن شہاب نے بیان کیا، ان سے عبید بن سباق نے بیان کیا اور ان سے زید بن ثابت (رض) نے بیان کیا۔ اور لیث نے بیان کیا، ان سے عبدالرحمٰن بن خالد نے بیان کیا، ان سے ابن شہاب نے، ان سے ابن سباق نے اور ان سے زید بن ثابت (رض) نے بیان کیا کہ ابوبکر (رض) نے مجھے بلا بھیجا، پھر میں نے قرآن کی تلاش کی اور سورة التوبہ کی آخری آیت ابوخزیمہ انصاری (رض) کے پاس پائی۔ یہ آیات مجھے کسی اور کے پاس نہیں ملی تھیں لقد جاء کم رسول من أنفسکم‏ سورة برات کے آخر تک۔ ہم سے یحییٰ بن بکیر نے بیان کیا، ان سے لیث نے بیان کیا اور ان سے یونس نے یہی بیان کیا کہ ابوخزیمہ انصاری (رض) کے پاس سورة توبہ کی آخری آیات پائیں۔