Sunan Al Daraqutni: Hadith 2207

2207 ام المومنین سیدہ عائشہ صدیقہ (رض) بیان کرتی ہیں بعض اوقات نبی اکرم (صلی اللہ علیہ وآلہ وسلم) ہمارے ہاں تشریف لاتے اور دریافت کرتے کیا تمہارے پاس کھانے کے لیے کچھ ہے ؟ اگر ہم جواب دیتے جی ہاں ! تو آپ وہ کھالیتے اور اگر ہم عرض کرتے جی نہیں ! تو آپ (صلی اللہ علیہ وآلہ وسلم) فرماتے ہیں میں روزہ رکھ لیتاہوں۔ ایک مرتبہ آپ ہمارے ہاں تشریف لائے تو ہمیں تحفہ کے طورپر (حیس) بھیجا گیا تھا ‘ میں نے عرض کی یارسول اللہ ! ہمیں تحفے کے طورپرحیس دیا گیا ہے ‘ جو میں نے آپ کے لیے سنبھال کے رکھا ہے ‘ تو آپ نے فرمایا میں نے تو صبح روزے کی نیت کی تھی ‘ لیکن پھر آپ نے اسے کھا بھی لیا۔ اس حدیث کی سند صحیح ہے۔