Sunan Al Daraqutni: Hadith 3042

3042 ۔ کثیر بن عبداللہ اپنے والد کے حوالے سے اپنے دادا کا یہ بیان نقل کرتے ہیں نبی کریم (صلی اللہ علیہ وآلہ وسلم) نے ارشاد فرمایا ہے جلب ، جنب، اعتراض) کی کوئی حیثیت نہیں ہے ) شہری ، شخص دیہاتی کے لیے کوئی سودا نہ کرے اونٹنی یابکری کا تصریہ نہ کیا جائے جو شخص تصریہ والے جانور کو خرید لے اور اس کا دودھ دوہ لے تو اسے دو میں سے ایک بات کا اختیار ہوگا اگر وہ چاہے تو اسے اپنے پاس رکھے اور اگر چاہے تو اسے واپس کردے اور ساتھ میں کھجور کا ایک صاع دیدے۔
عاصم بن عبیداللہ نے سالم کے حوالے سے حضرت عبداللہ بن عمر (رض) سے مصرات کے بارے میں اسے نقل کرنے میں متابعت کی ہے ان کے حوالے سے داؤد بن عیسیٰ نے اس روایت کو نقل کیا ہے ۔
حسن بن عمارہ نے حکم کے حوالے سے ابن ابی لیلی کے حوالے سے ، حضرت علی (رض) کے حوالے سے نبی کریم (صلی اللہ علیہ وآلہ وسلم) سے نقل کیا ہے ۔
ابوشیبہ نامی راوی نے اسے حضرت ابوہریرہ (رض) سے روایت کیا ہے ۔
شعبہ نامی راوی نے اسے ایک صحابی کے حوالے سے (جن کا نام مذکور نہیں ہے ) روایت کیا ہے۔