Sunan Al Daraqutni: Hadith 3721

3722: عبیدہ اس آیت کے بارے میں فرماتے ہیں :'' اور اگر تمہیں آپس میں ناچا کی کا اندیشہ ہو تو ایک ثالث مرد کے گھر والوں میں سے اور ایک ثالث عورت کے گھروالوں میں سے بھیجو۔
(عبیدہ بیان کرتے ہیں : ) ایک شخص اور ایک عورت حضرت علی (رض) کی خدمت میں حاضر ہوئے ان میں سے ہر ایک کے ساتھ کچھ لوگ تھے حضرت علی (رض) نے انھیں ہدایت کی کہ وہ مرد کے گھر والوں میں سے ایک ثالث عورت کے گھروالوں میں سے ایک ثالث مقرر کریں ۔ حضرت علی (رض) نے دونوں ثالثوں سے فرمایا کیا تم لوگ جانتے ہو تم پر کیا بات لازم ہے ؟ تم پر لازم ہے کہ اگر تم سمجھو کہ ان دونوں میں علیحدگی ہوجانی چاہیے ، تو تم ان میں علیحدگی کروادو۔ تو وہ عورت بولی : مجھ پر جو ادائیگی لازم ہے اور مجھے جو حق ملنا ہے میں اس کے حوالے سے اللہ کی کتاب کے فیصلے سے راضی ہوں (یعنی اسے قبول کرنے کے لیے تیارہوں) وہ مرد بولا میں علیحدگی کو تسلیم نہیں کروں گا، تو حضڑت علی (رض) نے فرمایا تم نے غلط کہا ہے اللہ کی قسم ! تمہیں بھی وہی اعتراف کرنا ہوگا جو اس عورت نے کیا ہے۔