Sunan Al Daraqutni: Hadith 3839

3840 ۔ حضرت عبداللہ بن عمر (رض) بیان کرتے ہیں : انھوں نے اپنی اہلیہ کو طلاق دیدی وہ عورت اس وقت حیض کی حالت میں تھی حضرت عمر (رض) نے نبی کریم (صلی اللہ علیہ وآلہ وسلم) سے اس کا حکم دریافت کیا انھوں نے عرض کی : عبداللہ نے اپنی بیوی کو طلاق دیدی ہے وہ عورت حیض کی حالت میں تھی نبی کریم (صلی اللہ علیہ وآلہ وسلم) نے فرمایا عبداللہ سے کہو کہ وہ اس عورت سے رجوع کرلے اور جب تک وہ اس حیض سے پاک نہیں ہوجاتی اسے اپنے ساتھ رکھے جب اسے اگلی مرتبہ حیض آئے اور اس کے بعد وہ پاک ہوجائے اس وقت اگر وہ چاہے تو اس عورت کے ساتھ صحبت کرنے سے پہلے اسے طلاق دیدے ، اور اگر چاہے تو اسے اپنے ساتھ رہنے دے یہ وہ طریقہ ہے جس کے بارے میں اللہ نے یہ حکمدیا ہے اس کے مطابق عورتوں کو طلاق دی جائے۔
صالح بن کیسان، موسیٰ بن عقبہ ، اسماعیل بن امیہ، لیث بن سعد، ابن ابی ذئب، ابن جریج، جابر، اسماعیل بن ابراہیم نے نافع کے حوالے سے حضرت عبداللہ بن عمر (رض) سے یہ بات نقل کی ہے ، انھوں نے ایک طلاق دی تھی۔
زہری نے سالم کے حوالے سے ان کے والد (حضرت عبداللہ بن عمر (رض)) سے یہی بات نقل کی ہے ۔
یونس بن جبیر ، شعبی اور حسن بصری نے بھی یہی بات نقل کی ہے۔