Sunan Al Daraqutni: Hadith 4054

4054 ۔ مسعودبن حکم ثقفی بیان کرتے ہیں کہ حضرت عمربن خطاب (رض) کے پاس ایک مقدمہ آیا ‘ جو ایک خاتون کے بارے میں تھا جس نے پس ماندگان میں اپنا شوہر ‘ اپنی والدہ ‘ ماں کی طرف سے شریک بہن بھائی اور باپ کی طرف سے شریک بہن بھائی چھوڑے تھے تو حضرت عمر (رض) نے ماں کی طرف سے شریک بہن بھائی اور سکے بہن بھائیوں کو ایک دوسرے کے ساتھ برابر کا حصہ داربنایاجو ایک تہائی حصے کے بارے میں تھا ‘ تو ایک شخص نے ان سے کہا : آپ نے فلاں سال تو انھیں ایک دوسرے کا حصہ دار نہیں بنایا تھا ‘ تو حضرت عمر (رض) نے فرمایا : اس وقت ہم نے جو فیصلہ دیا تھا وہ اس وقت کا تھا ‘ آج کا ہمارا فیصلہ وہ ہے جو ہم نے اب دے دیا ہے۔