Sunan Al Daraqutni: Hadith 4131

4131 ۔ حضرت انس بن مالک (رض) بیان کرتے ہیں کہ غزوہ احد کے دن نبی اکرم (صلی اللہ علیہ وآلہ وسلم) ‘ حضرت حمزہ (رض) کے پاس تشریف لائے ‘ ان کے ہونٹ ‘ ناک ‘ کان وغیرہ کو کاٹ دیا گیا تھا اور مثلہ کردیا گیا تھا۔ نبی اکرم (صلی اللہ علیہ وآلہ وسلم) نے فرمایا : اگر صفیہ کی پریشانی نہ ہوتی تو میں ان کو ایسے ہی رہنے دیتا ‘ یہاں تک کہ اللہ تعالیٰ (قیامت کے دن) انھیں پرندوں اور درندوں کے پیٹ میں سے زندہ کرتا۔
پھر حضرت حمزہ (رض) کو ایک چادرکفن کے طورپر دی گئی ‘ جب ان کا سرڈھانپا جاتا تھا ‘ تو ان کے پاؤں ظاہر ہوجاتے تھے ‘ جب پاؤں ڈھانپے جاتے تھے تو سرظاہر ہوجاتا تھا تو ان کے سرکوڈھانپ دیا گیا ‘ ان کےعلاوہ اور کسی شہید کی نماز جنازہ ادا نہیں کی گئی۔ نبی اکرم (صلی اللہ علیہ وآلہ وسلم) نے ارشاد فرمایا : میں آج تم لوگوں کے بارے میں گواہ ہوں۔
روایت کے یہ الفاظ صرف عثمان نامی راوی نے نقل کیے ہیں : نبی اکرم (صلی اللہ علیہ وآلہ وسلم) نے ان کے علاوہ اور کسی شہید کی نماز جنازہ ادا نہیں کی۔ یہ الفاظ محفوظ نہیں ہیں۔