Sunan Al Daraqutni: Hadith 4149

4149 ۔ حضرت ابوہریرہ (رض) بیان کرتے ہیں کہ نبی اکرم (صلی اللہ علیہ وآلہ وسلم) سے ایسے غلام کے بارے میں دریافت کیا گیا جو دو آدمیوں کی مشترکہ ملکیت ہوتا ہے ‘ ان میں سے ایک شخص اپنے حصے کو آزاد کردیتا ہے ‘ تو نبی اکرم (صلی اللہ علیہ وآلہ وسلم) نے ارشاد فرمایا : غلام کا وہ حصہ آزاد ہوجائے گا اور اسے آزاد کرنے والے کے مال میں سے مناسب قیمت لگاکر اس کی قیمت ادا کی جائے گی ‘ اگر آزاد کرنے والے شخص کے پاس وہ مال موجودنہ ہو ‘ تو غلام سے مزدوری کروائی جائے گی ‘ تاہم اس بارے میں اسے مشقت کا شکار نہیں کیا جائے گا۔