Sunan Al Daraqutni: Hadith 436

عبدالرحمن بن یزید بیان کرتے ہیں : ایک مرتبہ ہم سلمان فارسی (رض) کے ساتھ تھے، وہ تشریف لے گئے ، انھوں نے قضائے حاجت کی، پھر وہ تشریف لائے تو میں نے عرض کی : اے ابوعبداللہ ! اگر آپ وضو کرلیں تو مناسب ہوگا، تاکہ ہم آپ سے کچھ آیات کے بارے میں دریافت کریں، تو حضرت سلمان فارسی (رض) نے فرمایا : میں قرآن کو چھو نہیں رہا، اسے صرف باوضو لوگ چھو سکتے ہیں۔ (راوی بیان کرتے ہیں :) پھر حضرت سلمان فارسی (رض) نے ہمارے سامنے وہ آیات تلاوت کیں جو ہم چاہتے تھے۔ اس روایت کے تمام راوی ثقہ ہیں۔