Sunan Al Daraqutni: Hadith 4560

4560 ۔ حضرت ابوہریرہ (رض) بیان کرتے ہیں : میں نے (شراب بنانے کے مخصوص برتن) دباء میں نیند تیار کی ‘ تاکہ اسے نبی اکرم (صلی اللہ علیہ وآلہ وسلم) کی خدمت میں تحفے کے طورپر اس دن پیش کروں ‘ جب آپ نے روزہ رکھا ہوا تھا۔ جب افطاری کا وقت ہوا تو میں اسے اٹھاکر آپ کی خدمت میں لایا۔ آپ نے دریافت کیا : اے ابوہریرہ ! یہ کیا ہے ؟ میں نے عرض کی : یارسول اللہ ! میرے ماں باپ آپ پر قربان ہوں ‘ یہ نبیذ ہے ‘ جو میں نے آپ کے لیے تیار کی۔ مجھے پتہ تھا آپ آج روزہ رکھیں گے تو میری یہ خواہش ہے کہ آپ اسے استعمال کریں۔ نبی اکرم (صلی اللہ علیہ وآلہ وسلم) نے فرمایا : اسے میرے قریب کرو ‘ جب نبی اکرم (صلی اللہ علیہ وآلہ وسلم) نے اس کا جائزہ لیاتو اس میں جوش آچکا تھا۔ آپ نے فرمایا : اسے اس دیوارپہ ماردو ‘ کیونکہ اسے وہ پیئے گا جو اللہ تعالیٰ اور آخرت کے دن پر ایمان نہ رکھتاہو۔