Sunan Al Daraqutni: Hadith 4610

4610 ۔ حضرت مطلب بن ابو وداعہ بیان کرتے ہیں کہ ایک مرتبہ نبی اکرم (صلی اللہ علیہ وآلہ وسلم) نے بیت اللہ کا طواف کرنے کے بعد ارشاد فرمایا : مجھے کچھ پینے کے لیے دو ! تو آپ کی خدمت میں کشمش کی نبی ذلائی گئی ‘ آپ نے اسے کچھ پیا اور پھر اسے واپس کردیا ‘ میں نے عرض کی : اے اللہ کے نبی ! کیا یہ حرام ہے ؟ اللہ کی قسم ! یہ تو ایک مشروب ہے۔ تو نبی اکرم (صلی اللہ علیہ وآلہ وسلم) خاموش رہے ‘ انھوں نے دوبارہ آپ سے یہ سوال کیا تو نبی اکرم (صلی اللہ علیہ وآلہ وسلم) پھر خاموش رہے ‘ انھوں نے عرض کی : یارسول اللہ ! کیا یہ حرام ہے ؟ اللہ کی قسم ! یہ تو اہل مکہ کا مخصوص مشروب ہے۔ نبی اکرم (صلی اللہ علیہ وآلہ وسلم) نے فرمایا : اسے واپس میرے پاس لے آؤ ! پھر آپ نے لوگوں کو حکم دیا کہ وہ اس میں پانی ملادیں ‘ تو نبی اکرم (صلی اللہ علیہ وآلہ وسلم) اسے گھونٹ گھونٹ بھر کے پینے لگے۔ آپ یہ ارشاد فرماتے رہے : تھوڑاساپانی اور ڈال دو۔ آپ (صلی اللہ علیہ وآلہ وسلم) بار ‘ باریہی ارشاد فرماتے رہے ‘ یہاں تک کہ وہ پینے کے قابل ہوگیا ‘ آپ نے ارشاد فرمایا : تم اس کے ساتھ اس طرح کرلیاکرو۔