Sunan Al Daraqutni: Hadith 4611

4611 ۔ مالک بن ثقفی بیان کرتے ہیں کہ میں نے حضرت عبداللہ بن عمر (رض) سے تیزنبیذ کے بارے میں دریافت کیا تو انھوں نے فرمایا : ایک مرتبہ نبی اکرم (صلی اللہ علیہ وآلہ وسلم) ایک محفل میں بیٹھے ہوئے تھے ‘ آپ کو ایک شخص سے نبی ذکی بومحسوس ہوئی ‘ آپ نے دریافت کیا : یہ کس چیز کی بو ہے ‘ اس نے عرض کی : یہ نبی ذکی بو ہے۔ تو نبی اکرم (صلی اللہ علیہ وآلہ وسلم) کے حکم کے تحت وہ نبیذ منگوائی گئی ‘ اس شخص نے وہ نبیذ بھجوائی ‘ وہ آپ (صلی اللہ علیہ وآلہ وسلم) کی خدمت میں لائی گئی ‘ نبی اکرم (صلی اللہ علیہ وآلہ وسلم) اپنا چہرہ مبارک اس کے پاس لے گئے اور اسے سونگھا ‘ پھر آپ چہرہ واپس لے آئے اور اس کو واپس کردیا۔ جب وہ شخص بطحا سے جاچکا تھا تو وہ شخص پھر واپس آیا اور اس نے دریافت کیا : کیا یہ حرام ہے یا حلال ہے ؟ تو نبی اکرم (صلی اللہ علیہ وآلہ وسلم) نے اپنا سر مبارک پھر اس کے قریب کیا اور اس کی تیزبوکومحسوس کرکے اس میں پانی ملادیا ‘ پھر اسے پی لیا ‘ آپ نے ارشاد فرمایا : جب تمہارے مشکیزوں میں جوش پیدا ہوجائے تو اسے پانی کے ذریعے ختم کرو۔
یہ روایت اسی طرح منقول ہے ‘ تاہم حضرت عبداللہ بن عمر (رض) کے حوالے سے نبی اکرم (صلی اللہ علیہ وآلہ وسلم) سے مستند طورپر یہ بات منقول ہے : جس چیز کی زیادہ مقدار نشہ پیداکرے ‘ اس کی تھوڑی مقدار بھی حرام ہوتی ہے۔
یہ روایت پہلے گزرچکی ہے۔