Ibn Abi Shaybah: Hadith 12141

(١٢١٤٢) حضرت ایاس بن سلمہ اپنے والد سے روایت کرتے ہیں کہ حضور اقدس (صلی اللہ علیہ وآلہ وسلم) کے پاس ایک جنازہ لایا گیا تاکہ آپ (صلی اللہ علیہ وآلہ وسلم) اس کی نماز جنازہ ادا کریں آپ (صلی اللہ علیہ وآلہ وسلم) نے فرمایا : کیا اس نے کچھ چھوڑا ہے ؟ صحابہ نے عرض کیا نہیں، آپ (صلی اللہ علیہ وآلہ وسلم) نے فرمایا کیا اس کے ذمہ کسی کا قرض ہے ؟ صحابہ نے عرض کیا جی ہاں۔ اس کے ذمہ دو دینار قرض ہیں آپ (صلی اللہ علیہ وآلہ وسلم) نے فرمایا تم اپنے ساتھی کا جنازہ خود ہی ادا کرو، حضرت ابو قتادہ نے عرض کیا : وہ میرے ذمہ ہیں اے اللہ کے رسول (صلی اللہ علیہ وآلہ وسلم) ! پھر آنحضرت (صلی اللہ علیہ وآلہ وسلم) نے نماز جنازہ ادا فرمائی، راوی کہتے ہیں کہ مجھے حضرت ایاس نے بتلایا کہ حضور (صلی اللہ علیہ وآلہ وسلم) کی جب حضرت ابو قتادہ سے ملاقات ہوئی تو دریافت فرمایا : ان دو دیناروں کا کیا بنا ؟ یہاں تک کہ انھوں نے وہ دینار ادا کردیے۔