Ibn Abi Shaybah: Hadith 37287

(٣٧٢٨٨) حضرت عائشہ فرماتی ہیں کہ نبی پاک (صلی اللہ علیہ وآلہ وسلم) کو کوئی بیماری لاحق ہوگئی تو صحابہ کرام میں سے کچھ لوگ آپ (صلی اللہ علیہ وآلہ وسلم) کی عیادت کرنے کے لیے حاضر ہوئے ۔ آپ (صلی اللہ علیہ وآلہ وسلم) نے بیٹھ کر نماز پڑھی جبکہ ان لوگوں نے آپ (صلی اللہ علیہ وآلہ وسلم) کی اقتدا میں کھڑے ہو کر نماز پڑھی۔ تو آپ (صلی اللہ علیہ وآلہ وسلم) نے انھیں بیٹھنے کا اشارہ فرمایا۔ پس وہ لوگ بیٹھ گئے۔ پھر جب آپ (صلی اللہ علیہ وآلہ وسلم) نماز سے فارغ ہوگئے تو ارشاد فرمایا۔ امام اسی لیے بنایا جاتا ہے کہ اس کی اقتدا کی جائے ۔ پس جب وہ رکوع کرے تو تم بھی رکوع کرو۔ اور جب وہ سر اٹھائے تو تم بھی سر اٹھاؤ۔ اور جب وہ بیٹھ کر نماز پڑھے تو تم بھی بیٹھ کر نماز پڑھو۔