Kanz al-Ummal: Hadith 17620

17620 عبداللہ بن ابی بکر بن محمد بن عمرو بن حزم روایت کرتے ہیں کہ بنی الحارث بن خزرج کے ایک بوڑھے محمد بن اسلم بن بجرہ کے دل میں خیال ہوا کہ مدینے جاکر بازار سے اپنی ضرورت کا سامان لایا جائے۔ چنانچہ وہ مدینہ گیا اور بازار سے اپنا سامان لیا اور پھر گھر آگیا۔ جب اس نے چادر اتاری تو اس کو یاد آیا کہ اس نے مسجد نبوی میں نماز نہیں پڑھی اور یونہی واپس آگیا ہے۔ بولا : اللہ کی قسم ! میں نے مسجد رسول اللہ (صلی اللہ علیہ وآلہ وسلم) میں دو رکعتیں نفل بھی نہیں پڑھیں حالانکہ آپ (صلی اللہ علیہ وآلہ وسلم) نے فرمایا تھا : تم میں سے جو اس (مدینے کی) بستی میں اترے وہ واپس اپنے گھر نہ جائے جب تک اس مسجد میں دو رکعت نماز نہ پڑھ لے۔
چنانچہ اس نے دوبارہ چادر اٹھائی اور مدینہ گیا اور مسجد رسول اللہ (صلی اللہ علیہ وآلہ وسلم) میں دو رکعتیں پڑھ کر پھر واپس اپنے گھر آگیا۔ الحسن بن سفیان و ابونعیم فی المعرفۃ