Kanz al-Ummal: Hadith 20453

20453 ۔۔۔ میں نے تجھے تیرے ساتھیوں پر امیر مقرر کیا ہے حالانکہ تو سب سے کم سن ہے۔ لہٰذا جب تو ان کی امامت کرے تو کمزور ترین شخص کا خیال کرکے نماز پڑھا۔ بیشک تیرے پیچھے بڑے بوڑھے ، بچے اور حاجت مند بھی ہیں۔ جب تو صدقات (زکوۃ وغیرہ) وصول کرے تو بچے والا جانور نہ لے ، جس میں حاملہ بھی شامل ہے۔ نہ زائد مال لے ، نہ بکرا (نر) لے اور کوئی بھی اپنے عمدہ مال کا زیادہ حقدار ہے اور قرآن کو بغیر طہارت کے نہ چھونا ، جان لے عمرہ چھوٹا حج ہے۔ اور عمرہ دنیا ومافیہا سے بہتر ہے۔ اور حج عمرہ سے بہتر ہے۔ (الکبیر للطبرانی ، عن عثمان ابی العاص (رض))