Kanz al-Ummal: Hadith 22384

22384 ۔۔۔ عوف بن مالک (رض) کی روایت ہے کہ ایک مرتبہ رات کو میں رسول اللہ (صلی اللہ علیہ وآلہ وسلم) کے ساتھ کھڑا تھا چنانچہ آپ (صلی اللہ علیہ وآلہ وسلم) نے پہلے مسواک کیا پھر وضو کیا اور پھر نماز کے لیے کھڑے ہوگئے میں بھی آپ (صلی اللہ علیہ وآلہ وسلم) کے ساتھ کھڑا ہوگیا آپ (صلی اللہ علیہ وآلہ وسلم) نے سورت بقرہ شروع کی ، آپ (صلی اللہ علیہ وآلہ وسلم) جو بھی آیت رحمت پڑھتے ٹھہر جاتے اور دعا کرتے اور آپ (صلی اللہ علیہ وآلہ وسلم) جو بھی آیت عذاب پڑھتے تو اس پر ٹھہر جاتے اور عذاب سے پناہ مانگتے پھر قیام کے بقدر رکوع کرتے اور رکوع میں یہ تسبیح پڑھتے ۔ ” سبحان ذی الجبروت والملکوت والکبریاء والعظمۃ “۔ پاک ہے اللہ تعالیٰ قدرت اور بادشاہت والا بڑائی اور عظمت والا ۔ پھر سورت ” آل عمران “ پڑھی اور اس کے بعد اسی طرح ایک ایک سورت پڑھتے رہے۔ (ابن عساکر ، نسائی وابوداؤد)