Kanz al-Ummal: Hadith 24529

24529 ۔۔۔ ” مسند علی (رض) “ ابو عثمان نہدی ، اہل کوفہ کے ایک شیخ سے روایت نقل کرتے ہیں کہ ایک مرتبہ عید کے دن سیدنا حضرت علی المرتضی (رض) تشریف لائے اچانک دیکھتے ہیں کہ امام کے تشریف لانے سے قبل لوگ نماز پڑھ رہے ہیں ، آپ (رض) سے ایک آدمی نے عرض کیا : کیا آپ ان لوگوں کو نماز سے روکتے نہیں ؟ آپ (رض) نے فرمایا : تب تو میں اللہ تعالیٰ کے اس قول کا مصداق بن جاؤں گا ” الذی ینھی عبدا اذا صلی “۔ یعنی وہ جو نماز پڑھنے والے بندہ کو (نماز سے) روک دیتا ہے “ لیکن ہم انھیں وہ حدیث سنائیں گے جس کا ہم نے رسول کریم (صلی اللہ علیہ وآلہ وسلم) کے ساتھ رہتے ہوئے مشاہدہ کیا ہے چنانچہ آپ (صلی اللہ علیہ وآلہ وسلم) عیدگاہ میں تشریف لائے اور نماز عید سے قبل آپ نے نماز پڑھی اور نہ ہی بعد میں ۔ مرواہ زاھر فی تحفۃ عید الاضحی)