Kanz al-Ummal: Hadith 26887

26887 ۔۔۔ محمد بن عبدالرحمن بیلمانی اپنے والد سے روایت نقل کرتے ہیں کہ میں نے مقاعد میں سیدنا حضرت عثمان ذوالنورین (رض) کو دیکھا ، آپ کے پاس سے ایک شخص گزرا اس نے سلام کیا عثمان (رض) نے اسے سلام کا جواب نہ دیا جب آپ (رض) وضو سے فارغ ہوئے فرمایا : مجھے تمہارے سلام کا جواب دینے سے صرف اس چیز نے روکا ہے کہ میں نے نبی کریم (صلی اللہ علیہ وآلہ وسلم) کو ارشاد فرماتے سنا ہے کہ جس شخص نے وضو کیا ہاتھ دھوئے ۔ پھر تین بار کلی کی تین بار ناک میں پانی ڈالا ، تین بار چہرہ دھویا ، کہنیوں تک تین بار ہاتھ دھوئے ، سر پر مسح کیا ، پاؤں دھوئے اور پھر کوئی کلام نہیں کیا حتی کہ یہ کلمہ پڑھا ۔ ” اشھد ان لا الہ الا اللہ وحدہ لا شریک لہ وان محمدا عبدہ ورسولہ “۔ تو اس کے دو وضوؤں کے درمیان ہونے والے گناہ معاف ہوجائیں گے ۔ (رواہ البغوی فی مسند عثمان)