Kanz al-Ummal: Hadith 28631

28631 ۔۔۔ ابن ابی ملیکہ (رض) سے مروی ہے کہتے ہیں کہ میں نے عبداللہ بن عباس (رض) سے عرض کیا ، کیا رائے رکھتے ہیں آپ میری اس لونڈی کے متعلق جس کی طرف سے میرے دل میں کچھ بات ہے ؟ اس لیے کہ میں نے لوگوں (صحابہ کرام رضوان اللہ تعالیٰ عنہم اجمعین وتابعین (رض)) سے سنا ہے کہ رسول اللہ (صلی اللہ علیہ وآلہ وسلم) نے ارشاد فرمایا کہ اگر کچھ (نحوست) ہے تو وہ گھر میں ہے اور گھوڑے میں ہے اور عورت میں ہے۔ ابن ابی ملیکہ (رح) کہتے ہیں کہ انھوں نے اس بات کے نبی کریم (صلی اللہ علیہ وآلہ وسلم) سے سننے کا سختی سے انکار کیا ، اور ایک روایت میں یہ ہے کہ ابن عباس (رض) نے اس احتمال کا انکار کیا کہ آپ (صلی اللہ علیہ وآلہ وسلم) نے یہ بات فرمائی ہو اور اس بات کا بھی کہ نحوست کس چیز میں ہو اور فرمایا کہ جب تیری طبیعت میں اس کی طرف سے کچھ (خلجان) بیٹھ گیا ہے تو اس سے جدائی اختیار کر دے یا اس کو فروخت کر دے یا اس کو آزاد کر دے ۔ (رواہ ابن جریر)