Kanz al-Ummal: Hadith 35511

35502 ۔۔۔ مسند العرباض میں ہے کہ واقدی نے روایت کی ہے کہ مجھ سے ابن ابی سبرة نے روایت کی انھوں نے موسیٰ بن سعد سے انھوں نے عریاض بن ساریہ سے کہ میں سفر وحضر میں رسول اللہ (صلی اللہ علیہ وآلہ وسلم) کے ڈروازہ پر ہوتا تھا ایک رات میں نے دیکھا جب کہ ہم تبوک میں تھے ہم کسی ضرورت سے گئے ہوئے تھے پھر ہم رسول اللہ (صلی اللہ علیہ وآلہ وسلم) کی جگہ واپس ہوئے آپ اور آپ (صلی اللہ علیہ وآلہ وسلم) کے مہمان رات کے کھانے سے فارغ ہوچکے تھے آپ (صلی اللہ علیہ وآلہ وسلم) رقبہ میں داخل ہونے کا ارادہ کررہے تھے آپ کے ساتھ ازواج مطہرات میں سے ام سلمہ تھیں جب میں آپکے سامنے آیا تو آپ نے پوچھا رات اس وقت تک کہاں تھے ؟ میں نے بات بتلا دی اتنے میں جعال بن سراقہ اور عبداللہ بن مغفل مزنی بھی آگئے ہم تینوں بھوک کی حالت میں تھے اور رسول اللہ (صلی اللہ علیہ وآلہ وسلم) کے دروازے پر تھے آپ (صلی اللہ علیہ وآلہ وسلم) گھر میں داخل ہوئے ہمارے کھانے کے لیے کچھ طلب کیا لیکن نہ مل سکا پھر آپ ہمارے پاس واپس تشریف لائے اور بلال (رض) کو آواز کر پوچھا اے بلال ان حضرات کے کھانے کے لیے کچھ ہے ؟ عرض یا نہیں ہے قسم ہے اس ذات کی جس نے آپ کو حق دے کر بھیجا ہم نے اپنی ہتھیلی اور برتن صاف کرلئے فرمایا دیکھ لو ہوسکتا ہے کوئی چیز مل جائے تو انھوں نے ایک ایک تھیلی کو جھانا شروع کیا تو ایک ایک دودو کھجوریں گرنے لگیں یہاں تک میں نے دیکھا آپ (صلی اللہ علیہ وآلہ وسلم) کے سامنے سات کھجوریں جمع ہوگئیں پھر ایک برتن منگوا کر اس میں کھجوریں رکھدیں پھر پر دست مبارک رکھ کر بسم اللہ پڑھی اور فرمایا کھاؤ بسم اللہ ہم نے کھانا شروع کیا میں نے گنا کہ میں نے اکیلئے نے 45 کھجوریں کھائیں اب ہم نے ہاتھ کھینچ لیا لیکن سات کھجوریں اس طرح رکھی ہوئی تھیں فرمایا اب اے بلال ان کو اٹھا کر اپنی تھیلی میں بھر لوان میں سے جو بھی کھائے گا اس کا پیٹ بھر جائے گا ہم رات آپ کے قبہ کے پاس گذاری آپ (صلی اللہ علیہ وآلہ وسلم) کو تہجد کے لیے بیدار ہوتے اٹھے اس رات بھی اٹھ کر نماز پڑھنے لگے جب فجر طلوع ہوگئی واپس ہو کر فجر کی دو رکعت سنت ادا کی بلال (رض) نے اذان و اقامت کہی آپ (صلی اللہ علیہ وآلہ وسلم) نے لوگوں کی نماز پڑھائی بھرقبہ کے صحن میں تشریف لائے آپ (صلی اللہ علیہ وآلہ وسلم) بیٹھ گئے اور ہم بھی آپ کے گردوس فقراء مسلمین بیٹھ گئے آپ (صلی اللہ علیہ وآلہ وسلم) نے ہم پوچھا کیا تمہارے پاس دو پر ہر کے کھانے کے لیے کچھ ہے عرباض نے کہا میں اپنے دل میں کہہ رہا تھا کھانے کی کیا چیز ہوگی ؟ آپ (صلی اللہ علیہ وآلہ وسلم) نے بلال (رض) کو کھجوریں لانے کا حکم فرمایا آپ (صلی اللہ علیہ وآلہ وسلم) نے ان پر اپنا دست مبارک رکھدایا اور فرمایا : کھاؤ بسم اللہ ہم نے کھایا قسم ہے اس ذات کی جس نے آپ (صلی اللہ علیہ وآلہ وسلم) کو حق دے کر مبعوث فرمایا ہم دس کے پس نے پیٹ بھرکرکھایا پھر پیٹ بھرنے کی وجہ سے سب نے اپنا ہاتھ کھینچ لیا اور کھجوریں اتنی میں تھیں آپ (صلی اللہ علیہ وآلہ وسلم) نے فرمایا اگر مجھے رب کریم سے شرم نہ آتی ہم سب ان کھجوریں کو مدینہ منورہ پہنچے تک کھاتے ایک دیہاتی بچہ نظر آیا آپ (صلی اللہ علیہ وآلہ وسلم) نے کھجوریں ہاتھ میں لے کر اس کو دے دیں ، وہ کھاتا ہوا واپس چلا گیا۔ (رواہ ابن عساکر)