Kanz al-Ummal: Hadith 36085

36076 ۔۔۔ محمد بن عمرو سے روایت ہے کہ ابوسلمہ اور یحی بن عبدالرحمن بن حاطب اور چند شیوخ نے بیان کیا کہ عمر بن خطاب (رض) نے خواب میں دیکھا بیان کیا کہ میں نے خواب میں ایک سرخ مرغ دیکھا جس نے مجھے تین ٹھونگے مارے ناف اور عانہ کے درمیان اسماء بنت عمیرام عبداللہ بن جعفر نے کہا کہ عمر سے کہو کہ وصیت نامہ لکھوا دے وہ خواب کی تعبیر بیان کرتی تھی ان کے پاس ابولولو کافر مجوسی آیا جو مغیر ہ بن شعبہ (رض) کا غلام تھا اور کہا کہ مغیرہ نے میرے اوپر جو ٹیکس لگایا ہے وہ میری طاقت سے باہر ہے پوچھاکتنا ؟ بتایا اتنا اتنا ہے پوچھا تمہارا کیا عمل ہے بتایا چکی بناتاہوں تو فرمایا یہ ٹیکس زیادہ نہیں کیونکہ ہمارے علاقہ میں تمہارے علاوہ یہ کام کوئی نہیں جانتا ہے کیا میرے لیے کوئی چلّی نہیں بناؤ گے ؟ اس نے کہا میں آپ کے لیے ایسی چکی بناؤں گا کہ دنیا والے سنیں گے ۔ عمر (رض) منہ حج کے لیے گئے واپسی کے موقع پر محصب میں لپٹ گئے اور اپنی جادر کو سر کے نیچے رخھاچاند کی طرف دیکھا ان کو چاند کی برابر اور حسن پر تعجب ہوا فرمایا ابتداء بہت کمزور پیدا ہوا پھر اللہ تعالیٰ مسلسل اس کو بڑھاتے رہے یہاں تک مکمل ہوگیا اور سب سے حسین ہوگیا پھر کم ہوتا رہے گا یہاں تک اسی حالت پر لوٹ آئے گا جس پر شروع میں تھا یہی حالت ہے تمام مخلوق کی پھر آسمان کی طرف ہاتھ اٹھایا اور فرمایا اے اللہ میری رعایا بہت زیادہ ہوگئے اور اطراف عالم میں پھیل گئے مجھے اپنی طرف اٹھالے عاجزی اور ضائع کئی بغیر پھر مدینہ منورہ واپس ہوا ان سے ذکر کیا گیا کہ مقام بیداء میں ایک مسلمان عورت کا انتقال ہوا اس کو زمین پر پھینک دیا گیا لوگ وہاں سے گذرتے ہیں نہ کوئی اس کو کفن دیتا ہے نہ دفن کرتا ہے یہاں تک کلب بن بکیر لیثی کا ہاں سے گذر ہوا وہ وہاں رک گیا اس نے کفن ودفن کردیا یہ واقعہ عمر (رض) سے ذکر کیا گیا تو پوچھا وہاں سے کس کس مسلمان کا گذر ہوا ؟ لوگوں نے بتایا وہاں سے گذرنے والوں میں عبداللہ بن عم (رض) بھی تھے ان کو بلایا اور پوچھا کہ تیرا ناس کہ ایک مسلمان عورت پر تیرا گذرا ہوا جس کو راستہ کے کنارہ پر پھینکا گیا تھا تم نے اس کو نہ چھپایا کفن بھی نہیں دیاتوعرض کیا اللہ کی قسم نہ مجھے اس کا پتہ چلا نہ ہی کسی نے مجھے اس کی اطلاع دی فرمایا مچھے اندیشہ ہوا کہیں ایسا نہ ہو کہ تجھ میں خیر کا پہلو نہ ہو پوجھا اس کو کس نے کفن دیا اور دفنایا لوگوں نے بتایا کلیب بن بکیر لیثی نے فرمایا واللہ کلیب خیر حاصل کرنے کے زیادہ حقدار ہیں عمر (رض) نکلے اپنے درہ کے ذریعہ لوگوں کو صبہ کی نماز کے لیے جگاتے ہوئے ابولؤلؤ کافر ان کے سامنے سے آیا اور خنجر سے ناف اور عانہ کے درمیان تین زخم لگائے کلیب بن بکیر نے اس کو نیز ہ مارا اس پر حملہ کردیا لوگوں نے ایکدوسرے کو بلایا ایک شخص نے اس پر برنس پھینکا اس کو چادر سے لپیٹ لیا عمر (رض) کو اٹھا کر گھرلایا گیا عبدالرحمن بن عوف (رض) نے لوگوں کو نماز پڑھادی عمر (رض) سے کہا گیا نماز میں ان کے زخم سے خون بہہ رہا تھا فرمایا جو نماز کا اہتمام نہ کرے اس کا اسلام میں کوئی حصہ نہیں انھوں نے نماز پڑھی زخم سے خون بہہ رہا تھا پھر لوگ ان کے پاس جمع ہوگئے لوگوں نے کہا اے امیر المومنین آپ کو کوئی تکلیف نہیں ہمیں اللہ کی ذات سے امید ہے آپ کی موت کو موخرکرے آپ کو ایک مدت تک کے لیے زندہ رکھے پھر ابن عباس (رض) داخل ہوئے عمر (رض) کے پسندیدہ شخص تھے ان سے فرمایا نکل کر دیکھو میرا قاتل کون ہے ؟ وہ نکلے واپس آکر بتایا امیر المومنین بشارت ہو آپ کا قاتل ابولولو مجوسی ہے جو کہ مغیرہ بن شعبہ (رض) کا غلام ہے انھوں نے اللہ اکبرکانعرہ بلند کیا یہاں تک آواز دروازہ سے باہر نکلی پھر فرمایا الحمد اللہ الذی لم یجعلہ رجلا من المسلمین یحاجنی بسجدة سجد ھ اللہ یوم القیامة پھر قوم کی طرف متوجہ ہوئے پوچھا یہ تم میں سے کس کے مشورہ سے ہوا لوگوں نے کہا معاذ اللہ ہم تو یہ چاہتے ہیں کہ ہم اپنے ماں باپ آپ پر قربان کریں ۔ آپ کی عمر ہماری عمر سے زیادہ کردیں ۔ آپ کو کوئی زیادہ تکلیف نہیں فرمایا یرفاء مجھے پائی پلاؤ تو وہ دودھ لے کر آیا اس کو پیاتوپیٹ میں پہنچتے ہی زخموں سے باہر آگیا جب یہ حالت دیکھی ان کو یقین ہوگیا کہ اب عنقریب موت واقع ہوجائے گی تو لوگوں نے کہا اللہ تعالیٰ آپ کو جزائے خیر عطاء فرمائے آپ ہم میں کتاب اللہ پر عمل فرمائے رہے اور نبی کریم (صلی اللہ علیہ وآلہ وسلم) کی سنت کا اتباع کرتے رہے اس سے آپ دوسری طرف اعراض نہ کریں اللہ تعالیٰ آپ کو جزائے خیر عطاء فرمائے ۔ فرمایا کیا تم امارت کے ہوتے ہوئے مجھ پر غبطہ کرتے ہو اللہ کی قسم میں تو چاہتاہوں اس سے نجات پاجاؤں برابر سرابر نہ مجھ سے کوئی مواخذہ ہو نہ مجھے کچھ ملے جاکر خلافت کے معاملہ میں مشورہ کرلو اور اپنے میں سے ایک آدمی کو خلیفہ مقرر کرلو جو مخالفت کرے اس کی گردن اڑادو وہ اٹھ گئے عبداللہ بن عمررضی العنہ نے عم (رض) کو اپنے سینے کا سہارادیا ہوا تھا تو انھوں نے کہا کیا تم امیر مقرکر رہے ہو جب کہ امیر المومنین زندہ ہیں عمر (رض) نے فرمایا نہیں صہیب (رض) تین دن تک نماز پڑھائیں اور طلحہ کا انتظار کرو اور اپنے معاملہ میں مشورہ کرو تم ایک شخص کو امیر مقرر کرلو جو تمہاری مخالفت کرے اس کی گردن اڑا دو اور فرمایا عائشہ (رض) کے پاس جاؤ ان کو میرا سلام پہنچاؤ اور کہو اس سے تمہارا کوئی نقصان نہ ہوگا اور تم پر کوئی تنگی بھی نہ ہوگی میں اس بات کو پسند کرتا ہوں کہ اپنے دونوں ساتھیوں کے ساتھ دفن ہوں اور اگر اس سے آپ کا نقصان اور حرج ہو تو میری زندگی کی قسم کہ اس جنت البقیع میں وہ صحابہ کرام (رض) اور امہات المومنین مدفون ہیں جو عمر سے بہتر ہیں ان کے پاس قاصد پہنچا تو حضرت عائشہ (رض) نے فرمایا اس سے میرا کوئی نقصان ہے نہ مجھ پر کوئی تنگی تو فرمایا مجھے ان دونوں حضرات کے ساتھ دفن کرنا عبداللہ بن عمر (رض) نے کہا ان پر موت کی غشی طاری ہونے لگی میں ان کو اپنے سینہ کے ساتھ تھاما ہوا تھا پھر فرمایا اے تیرا بھلا ہو پھر میرے سر کو زمین پر رکھ دو ان پر پھر غشی طاری ہوئی دوباری میں نے اس کو محسوس کیا پھر ہوش میں ےآیا فرمایا اے تیرا بھلا ہو میرے سر کو زمین پر رکھ دو میں نے ان کا سر زمین پر رکھ دیا مٹی سے لوٹ پوٹ ہوا اور کہا عمر کی ہلاکت ہے اگر اللہ تعالیٰ اس کی مغفرت نہ فرمائے یہ تین مرتبہ فرما ۔ (ابن ابی شیبہ)