Kanz al-Ummal: Hadith 36175

٣٦١٦٦۔۔۔ ” ایضاً “ ابن لبیبہ کی روایت ہے کہ حضرت عثمان بن عفان (رض) کا جب محاصرہ کیا گیا تو آپ (رض) نے ایک اونچی جگہ میں بنے روشندان سے جھانک کر فرمایا : کیا تم میں طلحہ موجود ہے ؟ بلوائیوں نے جواب دیا : جی ہاں فرمایا : میں تمہیں اللہ تعالیٰ کا واسطہ دیتا ہوں کیا تم جانتے ہو کہ جب رسول کریم (صلی اللہ علیہ وآلہ وسلم) نے مہاجرین و انصار کے درمیان مواخات قائم کی تو آپ (صلی اللہ علیہ وآلہ وسلم) نے میرے اور اپنے درمیان مواخات قائم کی تھی حضرت طلحہ (رض) نے کہا : جی ہاں لوگوں نے حضرت طلحہ (رض) پر اعتراض کرنا چاہا تو آپ نے کہا : عثمان (رض) نے مجھے واسطہ دیا ہے اور جو معاملہ میں نے دیکھا ہے میں اس کی گواہی کیوں نہ دوں۔ (رواہ ابن سعد وابن عساکر وفیہ الواقدی ومحمد بن عبداللہ بن عمرو بن عثمان وحدیثہ منکر)