Kanz al-Ummal: Hadith 36258

٣٦٢٤٩۔۔۔ کثیر بن مرہ کی روایت ہے کہ حضرت علی (رض) سے حضرت عثمان (رض) کے متعلق سوال کیا گیا حضرت علی (رض) نے فرمایا : جی ہاں چوتھے آسمان پر انھیں ذوالنورین کے نام سے پکارا جاتا ہے رسول اللہ (صلی اللہ علیہ وآلہ وسلم) نے اپنی ایک بیٹی کے بعد دوسری بیٹی سے ان کا نکاح کردیا پھر رسول اللہ (صلی اللہ علیہ وآلہ وسلم) نے فرمایا : جو شخص گھر خرید کر مسجد میں شامل کرے گا اللہ تعالیٰ اس کی بخشش فرمائے گا۔ چنانچہ عثمان (رض) نے وہ گھر خرید کو مسجد میں اضافہ کردیا رسول اللہ (صلی اللہ علیہ وآلہ وسلم) نے پھر فرمایا : جو شخص بنی فلاں کا باڑا خرید کر مسلمانوں کے لیے صدقہ کرے گا اللہ تعالیٰ اس کی مغفرت کر دے گا چنانچہ عثمان (رض) نے وہ باڑا خرید کر مسلمانوں پر صدقہ کردیا ایک بار پھر رسول اللہ (صلی اللہ علیہ وآلہ وسلم) نے فرمایا : جو شخص لشکر یعنی جیش عسرت کو سازو سامان فراہم کرے گا اللہ تعالیٰ اس کی بخشش کوے گا چنانچہ پورے لشکر کو عثمان (رض) نے جنگی سازو سامان سے لیس کردیا حتیٰ کہ فوجیوں کو اسی کی کمی بھی محسوس نہ ہونے دی۔ (رواہ ابن عساکر)