Kanz al-Ummal: Hadith 36276

٣٦٢٦٧۔۔۔ ” مسند انس “ ابو حصین مبارک بن فلفل اخ مختار بن فلفل کی سند سے حضرت انس (رض) کی روایت ہے کہ ایک دن نبی کریم تشریف لائے اور باغ میں داخل ہوئے اتنے میں ایک شخص آیا اور دروازے پر دستک دی آپ نے فرمایا : اے انس کھڑے ہوجاؤ اور دروازہ کھولو اور آنے والے کو جنت اور میرے بعد خلافت کی خوشخبری دو میں نے عرض کیا : یا رسول اللہ ! کیا میں اسے بتادوں کی بشارت ہے پھر ایک نے ۔۔۔ والا آیا اور دروازے پر دستک دی آپ (صلی اللہ علیہ وآلہ وسلم) نے فرمایا : اے انس ! کھڑے ہوجاؤ اور دروازہ کھولو اور اے جنت اور ابوبکر کے بعد خلافت کی خوشخبری سناؤ میں نے عرض کیا : یا رسول اللہ ! میں اسے بتادوں ؟ فرمایا : اسے بتادو میں نکل پڑا دیکھتا ہوں کہ عمر (رض) کھڑے ہیں میں نے آپ کے لیے جنت اور ابوبکر کے بعد خلافت کی خوشخبری ہے پھر ایک اور شخص آیا اور دروازہ کھٹکھٹایا آپ نے فرمایا اے انس ! کھڑے ہو اور دروازہ کھولو اور اسے جنت اور عمر کے بعد خلافت کی خوشخبری دو اور یہ کہ اسے قتل کیا جائے گا میں باہر نکلا دیکھا تو حضرت عثمان (رض) کھڑے تھے میں نے کہا آپ کے لیے جنت اور خلافت کی خوشخبری ہے نیز آپ کو قتل کیا جائے گا چنانچہ عثمان (رض) اندر داخل ہوئے اور عرض کیا ! یا رسول اللہ ! اللہ کی قسم میں نے نہ گانا گایا نہ اس کی تمنا کی اور جب سے آپ کے دست اقدس پر بیعت کی ہے تب سے اپنا ہاتھ شرمگاہ سے مس نہیں کیا آپ (صلی اللہ علیہ وآلہ وسلم) نے فرمایا : اے عثمان ! یہ معاملہ اسی طرح ہوگا۔ (رواہ ابن عساکر وابو یعلی وابن عساکر من طریق عبداللہ بن ادریس عن المختار بن فلفل عن انس)
کلام :۔۔۔ حدیث ضعیف ہے دیکھئے ذخیرہ الحفاظ ٢٦٠٢۔