Kanz al-Ummal: Hadith 36287

٣٦٢٧٨۔۔۔” ایضاً “ سعید بن عاص کی روایت ہے کہ عائشہ (رض) زوجہ نبی (صلی اللہ علیہ وآلہ وسلم) اور عثمان (رض) نے مجھے حدیث سنائی کہ حضرت ابوبکر (رض) نے رسول اللہ (صلی اللہ علیہ وآلہ وسلم) سے اجازت طلب کی آپ اپنے بستر پر عائشہ (رض) کی چادر پہنے لیٹے ہوئے تھے ابوبکر (رض) کو اجازت دی آپ (صلی اللہ علیہ وآلہ وسلم) اس حالت میں رہے ابوبکر (رض) نے آنے کی حاجت پوری کی اور پھر واپس لوٹ گئے پھر عمر (رض) نے اجازت طلب کی آپ نے انھیں اجازت دی اور آپ اسی حالت پر برقرار رہے عمر (رض) نے اپنا کام پورا کیا اور پھر واپس لوٹ گئے عثمان (رض) کہتے ہیں پھر میں نے آپ کے پاس داخل ہونے کے لیے اجازت طلب کی تو آپ (صلی اللہ علیہ وآلہ وسلم) اٹھ بیٹھے اور عائشہ (رض) سے فرمایا : اپنے اوپر اپنے کپڑے درست کرلو میں نے اپنی حاجت پوری کی اور پھر واپس لوٹ گیا حضرت عائشہ (رض) نے عرض کیا یا رسول اللہ (صلی اللہ علیہ وآلہ وسلم) کیا وجہ ہے ابوبکر و عمر (رض) آئے آپ نے حرکت نہیں کی لیکن جب عثمان (رض) آئے آپ فوراً سنبھل گئے رسول اللہ (صلی اللہ علیہ وآلہ وسلم) نے فرمایا : عثمان حیا دار شخص ہیں مجھے ڈر تھا کہ اگر میں نے اسی حالت میں انھیں اجازت دی وہ اپنی حالت مجھ تک۔ (کما حقہ) نہیں پہنچا پائیں گے۔ (رواہ احمد بن حنبل ومسلم وابو عوانۃ وابو یعلی وابن ابی عاصم والبیہقی)