Kanz al-Ummal: Hadith 36297

٣٦٢٨٨۔۔۔ ” ایضاً “ سیف بن عمر محمد و طلحہ و حارثہ اور ابو عثمان سے روایت نقل کرتے ہیں کہ لوگ حضرت عثمان (رض) کے پاس بنی لیث کا ایک شخص پکڑ کر لائے عثمان (رض) نے فرمایا : تو کس قبیلہ سے ہے ؟ جواب دیا : میں لیٹی ہوں فرمایا : کیا تو میرا ساتھی نہیں ہے اس نے کہا : وہ کیسے آپ نے فرمایا : کیا ایک جماعت کے ساتھ نبی کریم (صلی اللہ علیہ وآلہ وسلم) نے تمہارے لیے دعا نہیں کی تھی اور یہ کہ تم فلاں فلاں دن حفاظت کرو اس نے جواب دیا : جی ہاں آپ (رض) نے فرمایا : پھر تم بلوی میں کیوں شریک ہو ؟ چنانچہ وہ شخص بلوائیوں سے الگ ہو کر واپس چلا گیا۔ اسی طرح لوگ آپ (رض) کے پاس قریش کا ایک شخص لائے وہ بولا : اے عثمان ! میں آپ کو قتل کروں گا آپ نے فرمایا : ہرگز نہیں اس نے پوچھا : وہ کیسے ؟ آپ (صلی اللہ علیہ وآلہ وسلم) نے جواب دیا : رسول اللہ (صلی اللہ علیہ وآلہ وسلم) نے تمہارے لیے فلاں دن استغفار کیا ہے لہٰذا تم ہرگز محترم خون کے درپے نہیں ہوگے چنانچہ اس شخص نے استغفار کیا اور اپنے ساتھیوں سے الگ ہو کر واپس لوٹ گیا۔ (رواہ ابن عساکر)