Kanz al-Ummal: Hadith 36299

٣٦٢٩٠۔۔۔ کثیر بن صلت کی روایت ہے کہ میں عثمان (رض) کی خدمت میں حاضر ہوا آپ نے مجھ سے کہا : اے کثیر ! میں دیکھ رہا ہوں کہ مجھے آج ہی قتل کردیا جائے گا میں نے عرض کیا ! کیا آپ سے اس بارے میں کچھ کہا گیا ہے ؟ فرمایا : نہیں لیکن آج رات میری آنکھ لگ گئی اور صبح کے قریب میں نے رسول اللہ (صلی اللہ علیہ وآلہ وسلم) ابوبکر و عمر (رض) کو دیکھا نبی کریم (صلی اللہ علیہ وآلہ وسلم) نے فرمایا : اے عثمان ! ہمارے پاس آجاؤ اور دیر نہ کرو ہم تمہارا انتظار کر رہے ہیں چنانچہ آپ (رض) اسی دن قتل کیے گئے۔ (رواہ البزار والطبرانی وابن شاھین فی السنۃ)