Kanz al-Ummal: Hadith 36304

٣٦٢٩٥۔۔۔ نعمان بن بشیر (رض) کی روایت ہے کہ مجھے نائلہ بنت قرافصہ کلبیہ عثمان (رض) کی بیوی نے حدیث سنائی ہے کہ جب عثمان (رض) کا محاصرہ کیا گیا آپ نے وہ دن روزے میں گزار دیا افطاری کے وقت بلوائیوں سے میٹھا پانی طلب کیا کہنے لگے : اس کنویں کے علاوہ جہاں سے بھی پانے ملے پی لو کیا دیکھتے ہیں کہ کنویں سے بدبو اٹھ رہی ہے چنانچہ آپ نے یہ رات اسی حال میں گزر دی کوئی چیز نہیں کھائی پھر سحری کے وقت میں اپنی پڑوسیوں کے پاس گئی میں نے ان سے میٹھا پانی طلب کیا میں پانی کا ایک کوزہ لیے ہوئے حضرت عثمان (رض) کے پاس آئی انھیں جگایا میں نے عرض کیا : یہ میٹھا پانی ہے جو میں آپ کے پا سلائی ہوں آپ نے فرمایا : آج رات اس چھت سے رسول اللہ (صلی اللہ علیہ وآلہ وسلم) مجھ پر نمودار ہوئے آپ (صلی اللہ علیہ وآلہ وسلم) کے پاس پانی کا ایک ڈول تھا آپ نے فرمایا : اے عثمان : پی لو۔ میں نے سیر ہو کر پانی پیا پھر فرمایا : اور پیو ! ، میں نے اور پیا حتیٰ کہ میرا پیٹ بھر گیا آپ (صلی اللہ علیہ وآلہ وسلم) نے فرمایا : یہ لوگ تمہارے اوپر چڑھائی کریں گے اگر تم ان سے قتال کرو گے فتح مند ہوجاؤ گے اور اگر قتال ترک کرو گے ہمارے پاس آکر افطاری کرو گے حضرت نائلہ (رض) کہتی ہیں اسی دن لوگ گھر میں داخل ہوئے اور آپ کو قتل کردیا۔ (رواہ ابن منع وابن ابی عاصم)