Kanz al-Ummal: Hadith 36305

٣٦٢٩٦۔۔۔ مہاجرین خیب اور ابراہیم بن تصقلہ کی روایت ہے کہ عثمان بن عفان (رض) نے عبداللہ بن سلام (رض) کو اپنے پاس بلایا عثمان (رض) محصور تھے عبداللہ بن سلام (رض) آپ کے پاس داخل ہوئے آپ (رض) نے فرمایا : اپنا سر اوپر اٹھاؤ اور یہ روشندان دیکھو آج رات رسول اللہ (صلی اللہ علیہ وآلہ وسلم) یہاں سے نمودار ہوئے اور فرمایا : اے عثمان ! لوگوں نے تمہارا محاصرہ کرلیا ہے میں نے عرض کیا جی ہاں چنانچہ آپ (صلی اللہ علیہ وآلہ وسلم) نے پانی کا ایک ڈول لٹکایا میں نے اس سے پانی پیا اس کی ٹھنڈک میں اپنے جگر میں پاتا ہوں آپ نے مجھ سے فرمایا : اگر تم چاہو میں اللہ تعالیٰ سے دعا کروں پھر وہ ان لوگوں کے خلاف تمہاری مدد فرمائے گا اور اگر چاہو تو ہمارے پاس آکر افطار کرو حضرت عبداللہ کہتے ہیں میں نے پوچھا : آپ نے کونسی صورت اختیار کی ہے ؟ فرمایا : آپ کے پاس افطاری اختیار کی ہے پھر عبداللہ (رض) اپنے گھر واپس لوٹ گئے پھر دوپہر کے وقت آپنے بیٹے سے کہا : جاؤ دیکھو کہ عثمان نے کیا کیا ؟ ناممکن ہے کہ وہ ابھی تک زندہ ہوں چنانچہ وہ جاکر واپس لوٹا اور بتایا عثمان (رض) قتل کر دئیے گئے ہیں۔ (رواہ الحارث)