Kanz al-Ummal: Hadith 36388

٣٦٣٧٨۔۔۔ اسلم بن فضل بن سہل، حسین بن عبید اللہ ابزاری بغدادی، ابراہیم بن سعید جوہری، امیر المومنین مامون رشید مھدی منصور اپنے والد سے عبداللہ بن عباس (رض) کی روایت ہے کہ میں نے عمر بن خطاب (رض) کو فرماتے سنا : علی بن ابی طالب کے تذکرہ سے رک جاؤ چونکہ میں ان میں رسول اللہ (صلی اللہ علیہ وآلہ وسلم) سے حاصل کی ہوئی خصلتیں دیکھ چکا ہوں ان میں سے اگر ایک بھی آل خطاب میں ہوئی مجھے وہ اس چیز سے زیادہ محبوب ہے جس پر سورج طلوع ہوتا ہے میں ابوبکر ابو عبیدہ رسول اللہ (صلی اللہ علیہ وآلہ وسلم) کے صحابہ (رض) کی ایک جماعت میں تھے میں ام سلمہ (رض) کے دروازے تک جا پہنچا۔ دروازے پر علی (رض) کھڑے تھے ہم نے عرض کیا : ہم رسول اللہ (صلی اللہ علیہ وآلہ وسلم) کے ارادہ سے آئے ہیں حضرت علی (رض) نے کہا : رسول اللہ (صلی اللہ علیہ وآلہ وسلم) باہر آنا چاہتے ہیں۔ آپ تشریف لائے اور علی بن ابی طالب (رض) کا سہارا لے لیا پھر علی (رض) کاندھے پر ہاتھ رکھ کر فرمایا : تجھ سے خصومت اور جھگڑا کیا جائے گا تو ایمان کے اعتبار سے پہلا مومن ہے سب سے زیادہ اللہ کے امام کا علم رکھتا ہے سب سے زیادہ وعدہ وفا ہے درستی پر زیادہ چلنے والا ہے رعیت پر سب سے زیادہ مہربان ہے تو میرا بازو ہے مجھے غسل دینے والا ہے مجھے دفن کرنے والا ہے ہر سختی اور پریشانی کی طرف آگے بڑھنے والا ہے میرے بعد کافر نہیں ہوگا تو حمد کا جھنڈا اٹھائے مجھ سے آگے چلے گا اور حوض کوثر میں میرے ساتھ ہوگا پھر ابن عباس (رض) نے فرمایا : علی (رض) رسول اللہ (صلی اللہ علیہ وآلہ وسلم) کا سسرالی رشتہ حاصل کرنے میں کامیاب ہوئے خاندان میں ان کا غلبہ ہے عام استعمال کی چیزیں دینے والے ہیں تنزیل و تاویل کا علم رکھتے ہیں ہم عمروں سے آگے بڑھنے والے ہیں۔ کلام :۔۔۔ حدیث موضوع ہے محدثین نے آبزار کو کذاب کہا ہے۔