Kanz al-Ummal: Hadith 36526

٣٦٥١٦۔۔۔ حضرت علی (رض) کی روایت ہے کہ ایک مرتبہ میں اور نبی کریم (صلی اللہ علیہ وآلہ وسلم) کعبہ کی طرف چل پڑے جب ہم کعبہ کے پاس پہنچے تو رسول اللہ (صلی اللہ علیہ وآلہ وسلم) نے مجھے فرمایا : بیٹھ جاؤ پھر آپ میرے کاندھے پر چڑھ گئے میں آپ کو لے کر اٹھنے لگا لیکن آپ نے مجھ میں ضعف دیکھا اور نیچے اتر آئے اور خود بیٹھ گئے فرمایا : میرے کاندھوں پر چڑھ جاؤ۔ میں آپ کے کاندھوں پر چڑھ گیا پھر آپ (صلی اللہ علیہ وآلہ وسلم) مجھے لے کر اٹھ کھڑے ہوئے مجھے خیال گزرا کہ اگر میں چاہوں تو آسمان کے کنارے چھو لیتا حتیٰ کہ میں بیت اللہ پر چڑھ گیا بیت اللہ پر تانبے یا پیتل کی بنی ہوئی ایک مورتی رکھی تھی میں اسے دائیں بائیں اور آگے پیچھے گھوم گھوم کر دیکھنے لگا حتیٰ کہ میں نے اس پر اپنی گرفت مضبوط کرلی رسول کریم (صلی اللہ علیہ وآلہ وسلم) نے فرمایا : اسے اٹھالو پھر فرمایا : اسے پٹخ دو میں نے اسے دے مارا اور وہ شیشے کی طرح چکنا چور ہوگئی پھر میں نیچے اتر آیا میں اور رسول اللہ (صلی اللہ علیہ وآلہ وسلم) بھاگنے لگے حتیٰ کہ ہم گھروں کی اوٹ میں آگئے تاکہ ہمیں کوئی پکڑ نہ لے چنانچہ اس کے بعد بیت اللہ پر کوئی نہیں چڑھا۔ (رواہ ابن ابی شیبہ وابو یعلی واحمد بن حنبل وابن جریر والحاکم وصححہ والخطیب)