Kanz al-Ummal: Hadith 36530

٣٦٥٢٠۔۔۔ حضرت علی (رض) کی روایت ہے کہ ان سے پوچھا گیا : تم اپنے چچا زاد بھائی کے وارث کس طرح بنتے ہو اور تمہارے چچا وارث نہیں بن رہے ؟ حضرت علی (رض) نے فرمایا : رسول کریم (صلی اللہ علیہ وآلہ وسلم) نے ایک مرتبہ بنی عبد المطلب کو جمع کیا وہ سب بکری کا بچہ کھا رہے تھے اور پانی پی رہے تھے ان کے لیے کھانا پکایا گیا اور انھوں نے سیر ہو کر کھایا اور مشکیزے سے پانی پیا حتیٰ کہ کھانا اور پانی جوں کا توں باقی بچا رہا گویا انھوں نے نہ کھانا کھایا ہو اور نہ ہی پانی پیا ہو پھر آپ (صلی اللہ علیہ وآلہ وسلم) نے فرمایا : اے بنی عبد المطلب مجھے خصوصیت کے ساتھ تمہاری طرف اور نامعلوم لوگوں کی طرف مبعوث کیا گیا ہے تم یہ آیت دیکھ رہے ہو تم میں سے کون میرے ہاتھ پر بیعت کرے گا کہ وہ میرا بھائی میرا دوست اور میرا وارث ہوگا۔ آپ کی طرف کوئی نہ اٹھا میں ہی آپ کی طرف اٹھا میں حاضرین میں سب سے چھوٹا تھا آپ نے فرمایا : تم بیٹھ جاؤ آپ نے پھر تین بار یہی فرمایا : ہر بار میں کھڑا ہوا اور مجھ سے فرمایا : بیٹھ جاؤ حتیٰ کہ تیسری بار بیعت کے لیے آپ نے میرے ہاتھ پر اپنا ہاتھ مارا اور حضرت علی (رض) نے فرمایا : اسی لیے آپ کا وارث میں ہوں میرا چچا نہیں ہے۔ (رواہ احمد بن حنبل وابن جریر واضیاء)