Kanz al-Ummal: Hadith 36661

٣٦٦٥١۔۔۔ موسیٰ بن عقبہ کی روایت ہے کہ حضرت ابوبکر صدیق (رض) کہتے ہیں : رسول کریم (صلی اللہ علیہ وآلہ وسلم) نے ابو عبیدہ بن الجراح (رض) کے لیے تین باتیں ارشاد فرمائیں وہ مجھے سرخ اونٹوں سے بھی زیادہ محبوب ہیں۔ لوگوں نے عرض کیا : اے خلیفہ رسول وہ کیا ہیں ؟ ابوبکر (رض) نے فرمایا : ہم رسول کریم (صلی اللہ علیہ وآلہ وسلم) کے پاس بیٹھے ہوئے تھے ابو عبیدہ (رض) کھڑے ہوئے رسول اللہ (صلی اللہ علیہ وآلہ وسلم) انھیں پیچھے سے دیکھنے لگے اور پھر ہماری طرف متوجہ ہو کر فرمایا : یقیناً یہاں دو مومن کاندھے ہیں رسول اللہ (صلی اللہ علیہ وآلہ وسلم) ہمارے پاس تشریف لائے آپ نے گمان کیا کہ ہم کسی ایسی چیز میں پڑے ہوئے ہیں جسے سننا ناپسند کرتے ہیں ہم آپس میں باتیں کر رہے تھے اور ہم خاموش ہوگئے پھر آپ نے فرمایا : میں اپنے ایک صحابی کے متعلق کچھ کہنا چاہتا تھا الایہ کہ وہ ابو عبیدہ ہے ہمارے پاس اہل نجران کا وفد آیا ہوا تھا وفد نے کہا : اے محمد ! ہمارے پاس ایک آدمی بھیجو جو تمہارے لیے حق قبضہ کر لائے اور ہم اسے دیں گے رسول کریم (صلی اللہ علیہ وآلہ وسلم) نے فرمایا : قسم اس ذات کی جس کے قبضہ قدرت میں میری جان ہے میں تمہارے ساتھ طاقتور اور امانتدار شخص کو بھیجوں گا حضرت ابوبکر (رض) نے فرمایا : مجھے اس مرتبہ کے علاوہ کبھی امارت کا شوق نہیں ہوا میں نے اس امید میں سر اوپر اٹھایا تاکہ میں دیکھ سکوں چنانچہ نبی کریم (صلی اللہ علیہ وآلہ وسلم) نے فرمایا : اے ابو عبیدہ کھڑے ہوجاؤ آپ نے ابو عبیدہ (رض) کو اہل نجران کے ساتھ روانہ کیا۔ (رواہ ابن عساکر)