Kanz al-Ummal: Hadith 36764

٣٦٧٥٤۔۔۔ ابو البحتری کی روایت ہے کہ حضرت علی (رض) سے سوال کیا گیا : آپ ہمیں محمد (صلی اللہ علیہ وآلہ وسلم) کے صحابہ (رض) کے متعلق بتائیں فرمایا : ان میں سے کس کے متعلق تم پوچھتے ہو لوگوں نے عرض کیا : آپ ہمیں عبداللہ بن مسعود (رض) کے متعلق بتائیں۔ حضرت علی (رض) نے فرمایا : انھوں نے قرآن و سنت کا علم حاصل کیا پھر غم خواری کی اور علم میں ان کی کفایت کی گئی لوگوں نے کہا آپ ہمیں ابو موسیٰ (رض) کے متعلق بتائیں۔ فرمایا انھوں نے علم کا بڑا ذخیرہ اپنے پاس محفوظ کیا ہے پھر وہ اس سے نکل گئے لوگوں نے کہا : عمار کے متعلق ہمیں بتائیں حضرت علی (رض) نے فرمایا : وہ مومن ہے اور بھول جاتا ہے لیکن جب اسے یاد دھانی کرائی جاتی ہے اسے یاد ہوجاتا ہے لوگوں نے کہا : سلمان (رض) کے متعلق بتائیں فرمایا : انھوں نے پہلا علم بھی حاصل کیا اور دوسرا علم بھی حاصل کیا وہ بحر پیکراں ہیں اس کی گہرائی کا پانی ختم نہیں ہونے پایا وہ ہم اہل بیت میں سے ہے۔ لوگوں نے کہا : آپ ہمیں اپنے متعلق بتائیں فرمایا : تم کیا جاہتے ہو ؟ چنانچہ جب میں سوال کرتا تھا مجھے عطا کردیا جاتا تھا اور جب خاموش رہتا تھا مجھ سے ابتداء کردی جاتی تھی۔ (رواہ ابن سعد والمروزی فی العلم والدورقی وان عساکر)