Kanz al-Ummal: Hadith 37368

٣٧٣٥٧۔۔۔ عبیداللہ بن عبداللہ بن عتبہ کی روایت ہے کہ انھیں خبر پہنچی ہے کہ جب حضرت عثمان بن مظعون (رض) عہ کی وفات ہوئی تو حضرت عمر بن خطاب (رض) نے فرمایا : عثمان بن مظعون (رض) شہید نہیں ہوئے جس سے میرے دل سے ان کا مقام جاتا رہا میں نے کہا کہ اس شخص کو دیکھو وہ ہم سے زیادہ دنیا سے کنارہ کش رہتا تھا اور وہ اس حالت میں مرا کہ شہید نہیں ہوا میرے دل میں عثمان کے متعلق یہی خطرہ رہا یہاں تک کہ رسول اللہ (صلی اللہ علیہ وآلہ وسلم) کی وفات ہوئی میں نے کہا : اے عمر ! تجھ پر افسوس ہے ہمارے بہترین لوگ مرتے ہیں شہید نہیں ہوتے پھر ابوبکر (رض) کی وفات ہوئی تو میں نے کہا : اے عمر ! تجھ پر افسوس ہے ہمارے بہترین لوگ مرتے ہیں اس کے بعد عثمان بن مظعون (رض) کا مقام میرے دل میں پہلے کی طرح جاگزیں ہوگیا۔ (رواہ ابن سعد وابو عبید فی العزیب)