Kanz al-Ummal: Hadith 37567

٣٧٥٥٦۔۔۔ ابوموسی (رض) کہتے ہیں : میں نبی کریم (صلی اللہ علیہ وآلہ وسلم) کی حدمت میں حاضر تھا آپ نے مکہ اور مدینہ کے درمیان مقام جعرانہ میں پڑاؤ کیا ہوا تھا آپ کے ہمراہ بلال (رض) بھی تھے رسول اللہ (صلی اللہ علیہ وآلہ وسلم) کے پاس ایک اعرابی آیا اور کہا : اے محمد آپ نے جو وعدہ مجھ سے کیا تھا وہ پورا نہیں کرتے ہو ؟ رسول اللہ (صلی اللہ علیہ وآلہ وسلم) نے فرمایا : تیرے لیے بشارت ہے۔ اعرابی بولا : آپ نے مجھے بہت ساری بشارتیں لے لی ہیں چنانچہ رسول اللہ (صلی اللہ علیہ وآلہ وسلم) ابوموسیٰ (رض) اور بلال (رض) کی طرف غصہ میں متوجہ ہوئے اور فرمایا : اس اعرابی نے بشارت رد کردی ہے لہٰذا تم دونوں بشارت قبول کرلو۔ دونوں نے عرض کیا رسول اللہ ! ہم سے آپ کی خوشخبری قبول فرمائی۔ پھر رسول اللہ (صلی اللہ علیہ وآلہ وسلم) نے ایک برتن منگوایا اس میں ہاتھ دھوئے اور چہرہ اقدس دھویا اور منہ میں پانی لیکر اس میں کلی کی پھر ان دونوں سے فرمایا : یہ پانی پی لو۔ اور کچھ اپنے سروں پر انڈیل لو ایک روایت میں ہے کہ اپنے چہروں پر ڈال لو۔
اور سینوں پر ڈال لو۔ خوش ہوجاؤ ابوموسی (رض) اور بلال (رض) نے برتن لیا اور آپ کا حکم بجالایا پردہ کے پیچھے سے حضرت ام سلمہ (رض) نے آواز دی کہ اپنی ماں کے لیے بھی پانی بچادو چنانچہ دونوں نے کچھ پانی برتن میں ام سلمہ (رض) کے لیے بچالیا۔ (رواہ ابویعلی)