Kanz al-Ummal: Hadith 38143

٣٨١٣١۔۔۔ حضرت علی (رض) سے روایت ہے فرمایا : ہم نے رسول اللہ (صلی اللہ علیہ وآلہ وسلم) سے (سن کر) صرف قرآن اور یہ (حکمنامے کی) تحریر لکھی ہے رسول اللہ (صلی اللہ علیہ وآلہ وسلم) نے فرمایا : مقام عیر اور ثور کا درمیانی علاقہ حرم ہے نہ اس کی شاخ توڑی جائے، نہ اس کا شکار بدکایا جائے، اور نہ اس کی گری پڑی چیز اٹھائی جائے ہاں جو اعلان کرے وہ (اٹھاسکتا ہے) اور نہ کوئی شخص اس میں جنگ کے لیے ہتھیار اٹھاکر چل سکتا ہے، نہ اس کا کوئی درخت کاٹا جائے ہاں کوئی اپنے اونٹ کے چارے کے لیے کاٹے تو اجازت ہے، سو جس نے کوئی نئی بات (یا کام دین کی صورت میں) ایجاد کیا، یا کسی بدعتی کو پناہ دی تو اس پر اللہ تعالیٰ فرشتوں اور تمام لوگوں کی لعنت ہے۔ نہ اس کی نفل عبادت قبول ہے اور نہ فرض، مسلمانوں کی ذمہ داری ایک ہے جس کی ان کا ادنی شخص بھی کوشش کرے، جس نے کسی مسلمان کے ذمہ کو توڑا اس پر اللہ تعالیٰ ، فرشتوں اور تمام لوگوں کی لعنت ہے اس کی نفل عبادت قبول ہے نہ فرض۔ (ابوداؤد طیالسی، عبدالرزاق، مسند احمدبخاری، مسلم، ابوداؤد، ترمذی نسائی، ابویعلی، ابن خزیمہ وابوعوانہ والطحاوی ابن حبان، بیھقی فی السنن)