Kanz al-Ummal: Hadith 39602

٣٩٥٨٩۔۔۔ (مسند علی) حضرت علی (رض) سے روایت ہے فرمایا : کہ رسول اللہ (صلی اللہ علیہ وآلہ وسلم) نے فرمایا : میری امت جب پندرہ کام کرلے گی تو ان پر مصیبت نازل ہوجائے گی کسی نے عرض کیا : یارسول اللہ وہ کیا ہیں ؟ آپ نے فرمایا : جب مال غنیمت کو دولت بنالیں گے امانت کو غنیمت سمجھ لیں زکوۃ کو تاوان وٹیکس قرار دیں گے اور مرد اپنی بیوی کی مانے گا اور والد سے بےوفائی کرے گا مان کی نافرمانی کرے گا اور دوست سے نیکی کرے گا شرابی پی جانے لگیں گی باریک وموٹاریشم بناجانے لگے آلات موسیقی اور گانے بجانے والی رکھنے لگیں آدمی کی عزت اس کے شر سے بچنے کے لیے کی جائے قوم کا سردار (اخلاق کے لحاظ) گھٹیا شخص بن جائے اس امت کا آخری حصہ پہلے پر لعنت کرنے لگے مسجدوں میں آوازیں بلند ہونے لگیں تو اس وقت لوگ تین چیزوں کا انتظار کریں سرخ آندھی زمین دھنساؤ اور چہروں کا مسخ وبگڑاؤ۔ (ترمذی وقال ابن ابی الدنیا فی ذم الملاھی بیھقی فی البعث وقال ھذا الاسناد ضعیف وابن الجوزی فی الواھیات)