Kanz al-Ummal: Hadith 4062

4062: حضرت ابی (رض) سے مروی ہے کہ نبی اکرم (صلی اللہ علیہ وآلہ وسلم) نے ان سے دریافت کیا : کتاب اللہ میں کون سی آیت سب سے زیادہ عظمت والی ہے ؟ ابی (رض) نے عرض کیا : اللہ اور اس کا رسول زیادہ جانتے ہیں۔ حتی کہ نبی (صلی اللہ علیہ وآلہ وسلم) نے تین بار ان سے یہ سوال کیا حضرت ابی (رض) فرماتے ہیں۔ آخر میں نے عرض کیا : اللہ لا الہ الا اھو الحی القیوم۔ پھر حضور (صلی اللہ علیہ وآلہ وسلم) نے میرے سینے پر ہاتھ مارا اور فرمایا : اے ابو المنذر ! تم کو علم مبارک ہو۔ مسلم۔