Kanz al-Ummal: Hadith 45646

45634 حضرت جابر (رض) کی روایت ہے کہ میرے والد وفات پاگئے اور اپنے پیچھے نوبیٹیاں چھوڑ گئے چنانچہ میں نے ثیب (عورت) سے شادی کرلی۔ رسول کریم (صلی اللہ علیہ وآلہ وسلم) نے مجھ سے فرمایا : اے جابر ! تم نے شادی کرلی میں نے عرض کیا : جی ہاں، ارشاد فرمایا : کنواری ہے یا ثیب ؟ میں نے عرض کیا بلکہ ثیب ہے۔ فرمایا : کنواری لڑکی سے شادی کیوں نہیں کی ؟ تم اس کا جی بہلاتے وہ تمہارا جی بہلاتی۔ میں نے عرض کیا : میرے والد وفات پاگئے اور اپنے پیچھے نو بیٹیاں چھوڑ گئے یا فرمایا کہ سات بیٹیاں چھوڑ گئے مجھے ناپسند تھا کہ میں انہی جیسی اناڑی عورت سے شادی کرلوں۔ ارشاد فرمایا : بہت اچھا کیا اللہ تعالیٰ تمہیں برکت عطا فرمائے آپ نے میرے لیے برکت کی دعا کی۔ رواہ ابن النجار