Kanz al-Ummal: Hadith 4710

4710: ۔۔ ابو ادریس خولانی (رح) سے مروی ہے کہ ایک مرتبہ حضرت ابوبکر (رض) حضور (صلی اللہ علیہ وآلہ وسلم) کے ساتھ کھانا کھا رہے تھے کہ یہ آیت نازل ہوئیں :
فمن یعمل مثقال ذرۃ خیرا یرہ ومن یعمل مثقال ذرۃ شرا یرہ۔ الزلزال : 7 ۔ 8 ۔
حضرت ابوبکر (رض) نے کھانے سے ہاتھ روک کر پوچھا : یا رسول اللہ ! کیا جو بھی نیکی یا برائی ہم سے سرزد ہوگی ہم کو اسے دیکھنا پڑے گا۔ حضور (صلی اللہ علیہ وآلہ وسلم) نے ارشاد فرمایا :
اے ابوبکر ! تم کو جو ناپسندیدہ امور پیش آتے ہیں وہ برائی کے بدلے ہیں اور خیر کے بدلے تمہارے لیے ذخیرہ کرلیے جاتے ہیں تم قیامت کے دن ان کو پا لوگے اور اس کی تصدیق اللہ کی کتاب میں ہے۔
وما اصابکم من مصیبۃ فبما کسبت ایدیکم و یعفو عن کثیر۔ الشوری :
اور جو مصیبت تم پر واقع ہوتی ہے سو تمہارے اپنے فعلوں سے اور وہ بہت سے گناہ تو معاف کردیتا ہے۔ رواہ ابن مردویہ۔