Kanz al-Ummal: Hadith 4747

4747: ۔۔ ابن عباس (رض) سے مروی ہے فرمایا میں حضرت عمر (رض) کے پاس حاضر خدمت تھا۔ میں نے یہ آیات تلاوت کیں :
لو کان لابن آدم و ادیان من ذھب لابتغی الثالث ولا یملا جوف ابن آدم الا التراب ویتوب اللہ علی من تاب۔
اگر ابن آدم کے پاس سونے کی دو وادی ہوں تو وہ تیسری وادی کی خواہش رکھے گا اور ابن آدم کا پیٹ مٹی کے سوا کوئی چیز نہیں بھر سکتی اور جو توبہ کرے اللہ پاک اس کی توبہ قبول فرماتے ہیں۔
حضرت عمر (رض) نے فرمایا : یہ کیا ہے ؟ ابن عباس (رض) نے عرض کیا : مجھے ابی (رض) نے یہ پڑھایا ہے چنانچہ حضرت عمر (رض) حضرت ابی (رض) کے پاس گئے اور ان سے ابن عباس (رض) کی پڑھی ہوئی آیت کے متعلق سوال کی تو انھوں نے فرمایا : مجھے رسول اللہ (صلی اللہ علیہ وآلہ وسلم) نے اسی طرح پڑھایا تھا۔ (مسند احمد، ابو عوانہ، السنن لسعید بن منصور)