Kanz al-Ummal: Hadith 8676

٨٦٧٦۔۔۔ حضرت بریدہ (رض) سے روایت ہے کہ رسول اللہ (صلی اللہ علیہ وآلہ وسلم) انصار کی دیکھ کرتے ان کے پاس آتے اور ان کا حال احوال پوچھتے ، آپ کو پتہ چلا کہ ایک عورت کا بچہ فوت ہوگیا ہے، جس پر اس نے سخت واویلا مچایا ہے اس پر تعزیت کے لیے اس کے ہاں تشریف کے گئے، اور اسے اللہ تعالیٰ سے ڈرنے اور صبر کرنے کا حکم دیا، تو اس نے کہا : یا رسول اللہ ! میں ایسی عورت ہوں جس کے ہاں بچہ نہیں ہوتا تھا اور میرا یہی بچہ تھا تو رسول اللہ (صلی اللہ علیہ وآلہ وسلم) نے فرمایا : مصیبت زدہ وہ ہے جس کا بچہ بچ جائے۔ (ابن النجار)