Kanz al-Ummal: Hadith 8857

٨٨٥٧۔۔۔ حضرت عبداللہ بن مسعود (رض) سے روایت ہے فرمایا : ہمارے سامنے رسول اللہ (صلی اللہ علیہ وآلہ وسلم) نے ایک چور کور شکل کی لکیر لگائی، پھر اس مربع شکل کے درمیان ایک لکیر کھنچی، اور پھر اس درمیانی لکیر کی ایک جانب جو اس مربع شکل کے درمیان تھی، بہت سی لکیریں کھینچیں اور ایک لکیر اس مربع شکل سے باہر نکلتی ہوئی لگائی، پھر فرمایا : جانتے ہو یہ کیا ہے ؟ لوگوں نے عرض کیا : اللہ تعالیٰ اور اس کا رسول ہی بہتر جانتے ہیں فرمایا : درمیانی لکیر انسان ہے، اور اس کی ایک جانب جو لکیریں ہیں ، وہ ضرورتیں اور مشکلات ہیں، عوارض ہرجانب سے انسان کو اچک لیتی ہیں، اگر اس سے بچ جائے تو یہ آلگے، اور جس مربع لکیر نے سب کو گھیرا ہوا ہے وہ موت ہے، اور باہر دورتک نکل رہی ہے وہ امید ہے۔ (مسنداحمد، بخاری، ابن ماجہ والرامھرمزی فی الامثال)