١٥٧٢۔۔ حضرت ثوبان سے مروی ہے کہ چالیس اصحاب رسول جمع ہوئے اور قدروجبر میں گفتگو کرنے لگے انہی میں حضرت شیخین یعنی حضرت ابوبکر وعمر بھی موجود تھے اسی اثناء میں حضرت جبرائیل آپ کے پاس نازل ہوئے اور فرمایا اے محمد اپنی امت کی خبر لیجئے وہ گمراہ ہورہی ہے آپ اسی گھڑی ان کے پاس پہنچے، حالانکہ اس وقت آپ کبھی نہیں نکلتے تھے صحابہ کرام کو یہ بات اجنبی محسوس ہوئی، اور آپ کے چہرہ اقدس کا رنگ غصہ کی وجہ سے سرخی میں بھڑک رہا تھا،اور آپ کے رخسار مبارک ایسے محسوس ہورہے تھے گویا ان پر ترش انار کے دانے نچوڑ دیے گئے ہوں آپ کی یہ حالت دیکھ کر صحابہ کرام کی ہتھیلیاں اور بازوخوف کے مارے پھڑپھڑاٹھے اور وہ سب اپنی آستینیں چڑھاتے ہوئے اٹھے اور لجامت آمیز لہجے میں بولے یارسول اللہ ہم اللہ اور اس کے رسول کے آگے تائب ہوتے ہیں آپ نے فرمایا قریب تھا کہ تم جہنم کو اپنے پر واجب کر بیٹھتے میرے پاس ابھی جبرائیل نازل ہوئے تھے انھوں نے فرمایا اے محمد اپنی امت کی خبرلیجئے وہ گمراہ ہورہی ہے۔ الکبیر للطبرانی (رح)۔