١٥٧٣۔۔ ازمسند زید بن ثابت (رض)، ابن ابی لیلی سے مروی ہے کہ میں حضرت ابی بن کعب کی خدمت میں حاضر ہو اور عرض کیا میرے دل میں تقدیر کی طرف سے کچھ خلجان واقع ہوگیا ہے لہٰذا مجھے کچھ بیان کیجئے تاکہ وہ میرے دل کو صاف کردے۔ تو آپ (رض) نے فرمایا اگر اللہ تعالیٰ تمام آسمان اور زمین والوں کو عذاب میں مبتلا فرمادیں تو اس کا ذرہ بھران پر ظلم نہ ہوگا، اور گران سب کو اپنی رحمت میں ڈھانپ لے تو اس کی رحمت سب کے اعمال سے بڑھ کر ہوگی، اور اگر تو اس کی راہ میں احد پہاڑ کے برابر بھی سوناخرچ کرے تب بھی اللہ اس کو تجھ سے اس وقت تک ہرگز قبول نہ فرمائیں گے جب تک کہ تو تقدیر پر ایمان نہ لائے ۔ اور اس بات کا اچھی طرح یقین نہ کرلے کہ جو چیز تجھ کو پہنچی وہ ہرگز چوکنے والی نہ تھی اور وہ جو نہیں پہنچی وہ ہرگز پہنچنے والی نہ تھی، اور اگر تو اس کے علاوہ کسی اور عقیدہ پر مرگیا تو تو جہنم واصل ہوگا، ابن ابی لیلی کہتے ہیں کہ پھر میں حضرت حذیفہ کی خدمت میں حاضر ہوا تو انھوں نے بھی بعینہ اسی کے مثل بات بیان فرمائی۔ پھر میں حضرت عبداللہ بن مسعود کی خدمت میں حاضر ہوا تو انھوں نے بھی بعینہ اسی کے مثل بیان فرمائی۔ پھر میں حضرت زید بن ثابت (رض) کی خدمت میں حاضر ہوا تو انھوں بھی اسی کے مثل نبی کریم سے روایت بیان فرمائی۔ ابن جریر۔